Бүгүн М. К. Аммосов аат. култуура уонна духуобунай сайдыы дыбарыаһыгар Уһуйааччы уонна Аҕа сүбэһит сылын түмүктүүр тэрээһин буолан ааста. Сарсыардаттан сахалыы сиэринэн ыалдьыттары көрсүү сиэрэ-туома ыытылынна. Нэһилиэктэр наставниктарын сэбиэттэрин сыллааҕы үлэлэрин отчуот-альбомнара көрдөрүүгэ турдулар.
Эҕэрдэ тылларын анаатылар уонна наҕараадалары туттардылар: Дьяконов Юрий Вячеславович, улуус баһылыгын социальнай боппуруостарга солбуйааччы; Винокуров Алексей Иванович, улуус Депутаттарын сэбиэтин бэрэссэдээтэлэ; Подголов Александр Григорьевич, СӨ Государственнай мунньаҕын (Ил Түмэн) бэрэссэдээтэлин солбуйааччы, байыаннай сулууспалаахтар, бойобуой дьайыы бэтэрээннэрин, патриотическай иитии уонна общественнай тэриллиилэр дьыалаларыгар бастайааннай кэмитиэт бэрэссэдээтэлэ.
