Нам улууһун Бартыһаан нэһилиэгэ Олоҥхо уонна Хомус декадатын чэрчитинэн ССРС культуратын туйгуна, СР культуратын үтүөлээх үлэһитэ, олоҥхоһут, алгысчыт, норуот ырыаһыта, импровизатор хомусчут, Нам улууһун, Таастаах, Бартыһаан нэһилиэктэрин Ытык киһитэ Дмитрий Иванович Кривошапкин 2025 сылга төрөөбүтэ 8️⃣5️⃣ сылыгар аналлаах «Туой-ыллаа, хомуһум!» үрүҥ көмүс Ытык бэлиэни Д.И. Кривошапкин аатынан «Хомус» фольклор дьиэтэ, «Дьүрүл» народнай ансаамбыл бүгүн, сэтинньи 23 күнүгэр, Таастаах, Искра нэһилиэктэринэн сылдьан күргүөмүнэн хомуска оонньоон Ытык бэлиэни дьон дьүүлүгэр таһаарда.
Бу тэрээһиҥҥэ саха төрүт хомуһунан оонньууру сөргүтэр, Дмитрий Иванович аатын үйэтитэр, кини сыралаах, сүҥкэн үлэтин сырдатар, киэҥ эйгэҕэ тарҕатар сыаллаах улуус нэһилиэктэрин кэрийэр. Айан Ытык киһибит төрөөбүт нэһилиэгиттэн саҕаланна.
Мария Аргунова, «Дьүрүл» народнай ансаамбыл уус-уран салайааччыта
