Аан дойду аҕата буолбут
Арылы Тойон оҕонньор,
Сир сибиир ийэтэ буолбут
Кэрэмэс Хотун эмээхсин
Кинилэр диэтэх дьон
Саллар саастарын,
Үллэр уйэлэрин тухары
Байан-тайан олорбуттар эбит.
Маннык бэйэлээх дьон
Эдэр-сэнэх саастарыгар
Оҕо-уруу уөскээн
Отой төрөөбөтөх эбит.
Көмус уҥуохпутун көтөҕөр,
Алтан уҥуохпутун араҥастыыр,
Аал уоппутун оттор,
Алаһа дьиэбитин баһылыктыыр,
Албан ааппытын ааттатар
Оҕо-уруу дьолуттан
Олох маттыбыт диэннэр,
Олус хоргутан-хомойон,
Тулук тууҥҥэ
Тумуллэ мунчаарар буолбуттар.
СЭҺЭНИН сэҥээри
Дьэ, ити курдук
Эмээхсин аҕыс уон сааһын
Томтойо туолуутугар
Дьылҕа хаан дьайыытынан
Оҕо үөскээн,
Оһоҕостоох буолан,
Уһугунан дугуммут
Уол оҕону төрөтөн,
Түөлбэ күөл саҕа
Үөруулэрэ уксээбит,
Саар булгунньах саҕа*
Соргулара урдээбит.
Санааларын хоту
Саргылара салаллан,
Саппаҕырбыт санаалара
Салгын хоту сайҕаммыт.
Маннайгы уолларыттан
Мааны бэйэлээхтэн
Оҕонньордоох-эмээхсин
Куннэрин-ыйдарын таһаараннар,
Тойон Дьөллуут буоллун диэн
Таптаан ааттаабыттар эбит.
СЭҺЭНИН сэҥээри
Аҕыныахтаах дьилбэктээх,
Аһыныгас санаалаах
Айыыһыт көтөҕөөччу
Аллараа быыс иһиттэн
Аргыый аҕай налыйа хааман
Аал уот иннигэр
Айхаллыы-айхаллыы аҥыраата,
Уруйдуу-уруйдуу сугуруйдэ.
Умайан кулубуруу турар уокка
Уйгу тунаҕы кута-кута,
Аҕыныахтаах ытыһынан
Аастыйбыт икки чанчыгын
Бабыа көмус
Биэс тарбаҕынан
Имэринэн кэбиһэ-кэбиһэ,
Алҕыы-силии турда.
— Уруй-тускул!!!
Айхал-айылыат
Ахан ини буоллун!!!
Айа-кэрдэ турааччы
Аҕырыалаах ньилбэктээх,
Боҕуускалаах туһэхтээх,
Көҥүөр курдук эмиийдээх,
Курэҥ маҥан баттахтаах,
Арыы саһыл иэдэстээх,
Аҕыныахтаах ытыстаах
Биһиктээх оҕо мээчиктээх,
Мэҥнээх оҕо бэриктээх —
Аан Айыыһыт хотун эбэкэм!
Дьэ, дьэ эрэ,
Эйиэхэ анааммын
Аал уотунан,
Аҕам анах
Араҕас арыытынан
Айах тутан,
Аһатан-сиэтэн
Аалыастаан ахан эрэбин!
Ити курдук ыллаан бутээт,
Аҕыныахтаах ытыстаах
Айыы Нуоралдьын эмээхсин
Аман тамалыйа,
Айыыһыт тардан,
Тиэрэ кэдэрийэ-кэдэрийэ,
Кулэн чачыгыраан барда.
Кэриэн иһит курдук
Кэккэлэһэн турбут
Кэргэн-чаҕар дьахталлар
Көҕуйсубут курдук
Куускэ кулэн-салан,
Үөрэн-кетен тураннар,
Өрөс-чөрөс туттаннар,
Айыыһыты айхаллаан атаараннар
Алларастаан айаардылар.
СЭҺЭНИН сэҥээри
Утаакы буолбата,
Хатан улугэр куоластаах
Кыыс 050 ытыыр саҥата,
Олорор дьонноро
Ойон туруохтарыгар дылы,
Турар дьонноро
Олоро туһүөхтэригэр дылы,
Эһиэнньэхэйдээн иһилиннэ.
Онуоха оҕонньор барахсан,
Ойон тура-тура, олорбохтоото,
Сууһуттэн ытыр-бытыр
Үөрбут санаата
Утэйэн кэбиспит
Көлөһун таммахтарын
Бэдэр тириитэ
Сиэхтээх бэгэччэгинэн
Туора-маары соттумахтаан кэбистэ.
Оҕонньорго утары хааман иһэн
Алгыстаах санаалаах
Айыыһыт көтөҕөр
Айыы Нуоралдьын эмээхсин:
— Илин халлаан
Итии бодуол эркиннээх,
Эҕэрдэлээх эҥийэтигэр олохтоох,
Истин иһирэх бэйэлээх
Иэйэхсит хотун эйиэхэ
Кыыс 050 кылаан чыпчаххайын,
Кун улууһун кутур куустээҕин
Айан-кэрдэн биэрдэ! — диэтэ.
СЭҺЭНИН сэҥээри
Саҥа уот алгыһа
- Туруу. Дьалбыйыы. Айыыларга хайыһыы – 11:00ч;
- Олоҥхолортон тохсунньу ыйга бухатыыр төрөөһүнэ ойууланар. Таҥхатын ааҕыы. Сүрүн өйдөбүлүн бэлиэтээһин – 11:15ч;
- Ый аман өһө – 11:30ч;
- Саҥа уот алгыһа – 11:40ч (уоту ылыы);
- Таҥха туома – 12:00ч (алгыс, төрөөбүт ый халандаарынан кэлбит сыл майгынын билии, тутуһуу);
- Таҥха оонньуулара – 12:30ч – 13:00ч.
