15-с регионнар икки ардыларынааҕы научнай-методическай конференция бастакы тэрээһинэ Олунньу 5 күнүгэр Иенгра эбэҥки национальнай нэһилиэгэр ыытылынна. Г.М.Василевич аатынан оскуола-интернат дьиэтин иннигэр көс олоҕу көрдөрөр быыстапкаттан, ыраастаныы сиэриттэн саҕаланна. Иенгра нэһилиэгин тэрилтэлэрин үлэһиттэрэ, нэһилиэк общественноһа эбэҥки культуратын, нэһилиэктэрин историятын конференция кыттыылаахтарыгар сырдаттылар, маастар-кылаастары, экскурсиялары ыыттылар. Иенграҕа сырыы орто оскуола үөрэнээччилэрин, учууталлар кыттыылаах эбэҥки эпоһын нимнгаканы күргүөмүнэн толорууларынан түмүктэннэ. Нерюнгри куоракка эргиллэн кэлэн улуустар делегациялара кыттыылаах доҕордоһуу түһүлгэтигэр фольклор дьоро киэһэтигэр түмүстүбүт. Сарсыҥҥы күнү долгуйа күүтэбит.
