Улуу Кыайыы 80, Арассыйаҕа Аҕа дойдуну, Саха Өрөспүүбүлүкэтигэр Ийэ дойдуну, Нам улууһугар Кыайыы сылларынан, Арбын нэһилиэгиттэн төрүттээх, биир дойдулаахпыт, Россия норуотун маастара, Саха Өрөспүүбүлэкэтин норуотун маастара, Саха Өрөспүүбүлүкэтин бочуоттаах бэтэрээнэ, сэрии сылын оҕото, үлэ бэтэрээнэ Анна Николаевна Слепцова, төрөөбүт түөлбэтигэр Арбын нэһилиэгэр «Тускул» сынньалаҥ киинигэр, Көбөкөн нэһилиэгэр «П.П. Ядрихинскай-Бэдьээлэ аат. сынньалаҥ киинигэр» айар үлэтин сырдатар сыаллаах бар дьонугар-сэргэтигэр кэпсээтэ көрүстэ. Бу күн Анна Николаевналыын «Иэйии» бэтэрээннэр кулууптарын сал. Пелагея Никонова, Мария Жиркова, Афанасий Васильев, Илья Новиков ырыа аргыстаах биэчэри толорон биэрдилэр, киэргэттилэр. Быйыл «Иэйии» кулууп тэриллибитэ 30 сыллаах үбүлүөйүн бэлиэтиир. Улууска, чугас улуустарга 30 айар киэһээлэри бэлэхтиир сыаллаахтар. Бу айан ол тэрээһин чэрчитинэн сүрдээх истиҥник ыытылынна. Көрсүбүт нэһилиэктэргэ махтал биллэрэбит.















