Ахсынньы 16 күнүгэр Нам улууһун Культураҕа уонна Духуобунай сайдыыга управлениета, биллэр государсвеннай уонна политическай деятель Илья Егорович Винокуров төрөөбүтэ130 сылын бэлиэтиир тэрээһиннэри киэҥ далааһыннаахтык ыытар соруктаах, Гуманитарнай чинчийии уонна аҕыйах ахсааннаах хотугу омуктар кыһалҕаларын институтун учуонайдарын кытта көрүстэ. Көрсүһүү сэтинньи 17-18 күннэригэр М.К.Аммосов аат. Культураҕа уонна духуобунаска сайдыы дыбарыаһыгар ыытыллыахтаах үөрүүлээх тэрээһин торумун тула буолла.
Сүбэ мунньах институт директора Сардана Ильинична Боякова салалтатынан ыытылынна. Кэпсэтии түмүгүнэн мунньах үөрүүлээх арыллыыта И.Е.Винокуров пааматынньыгар сибэкки дьөрбөтүн уурууттан саҕаланыа. Бу икки күн устата историктары, археологтары,этнографтары, фольклористары түмэн араас хабааннаах төгүрүк остуоллар, быыстапка, ону сэргэ «Ча5ыл5ан» кинигэ 3 томун презентацията буолуо5а.
Салгыы Искусство, культура, креативнай индустрия Арктическай государственнай университетыгар социологическай наука доктора, доцент Ульяна Алексеевна Винокурованы уонна Россия худуоһунньуктарын Сойууһун чилиэнэ, доцент Туйаара Ефимовна Шапошникованы кытта көрсүһүү буолла. Ульяна Алексеевна И.Е.Винокуровы салайааччы өттүнэн арыйар кинигэни суруйа сылдьарын билиһиннэрдэ. Туйаара Ефимовна Нам улууһун историятын кэпсиир графическай проект-альбомун көрдөрдө. Инникитин проект-альбом презентациятын Намҥа ыытарга былааннаатылар. Университет Нам улууһун музейдарыгар: Хатыҥ-Арыы нэһилиэгин И.Е.Винокуров аат.историко-краеведческай музей НИЭМ филиала уонна И.С.Шарапов аат. Никольскайдааҕы сири туһаныы музейын виртуальнай туристическай маршрутун оҥорбута. Салгыы Нам улууһун виртуальнай картатын оҥорорго бэлэмнэрин биллэрдилэр.
