Дойду үрдүнэн Педагог уонна уһуйааччы, Саха Республикатыгар Үлэ сылларыгар, Нам улууһугар Биир санааланыы уонна сомоҕолоһуу сылыгар аналлаах, ыам ыйын 16 күнүгэр, М.К. Аммсоов аат. култуура уонна духуобунай сайдыы дыбарыһыгар, З.А. Тихонова аатынан Намнааҕы “Түөлбэ” оҕо киинин “Сахалыы иис” студия салайааччыта, Саха Республикатын норуотун маастара, Саха республикатын үөрэҕириитин туйгуна Мария Петровна Сыромятникова “Иис сатабылын оҕолорго иҥэрэн” үөрэнээччилэрин кытта бииргэ айар быыстапкалара арылынна.
Мария Петровна саха төрүт үгэһин тутуһан, 30 сыл тухары үлэлээн мунньуммут билиитэ-көрүүтэ түмүллэн, ис-дууһатыттан ылсан, уустаан-ураннаан оҥоруу искусство кэрэ эйгэ кистэлэҥин арыйан, өбүгэлэрбит иискэ дьарыктарын үйэтитэр үөрэнээччилэрин кытта үлэлэрин 10 күн устата быыстапкалаан бар дбонугар бэлэх уунар. Кэлэн көрүҥ, сэргээн!
