Атырдьах ыйын 24 күнүгэр Бастакы Хомустаах «Алгыс» НАК киинэ саалата үлэтин саҕалаата. Үөрүүлээх аһыллыы аныгы үйэ сиэринэн видеоконференция сибээһинэн ыытылынна, уопсайа республика үрдүнэн 15 киинэ саалата аһылынна. Бэлиэ күҥҥэ быһа сибээскэ кыттыыны ыллылар : СӨ Ил Дархана А.С. Николаев,» Экстра синема» генаральнай директора П.А.Чиряев уонна «Нам улууһа» МТ баһылыгын солбуйааччы П.П. Сергучев, Нам улууһун культураҕа уонна духуобунай сайдыыга управлениятын начальнига С.П. Ядрихинскай, «Хомустаах Бастакы нэһилиэгэ» МТ баһылыга В. Г.Жирков. Киинэ саалата мантан ыла сахалыы, нууччалыы киинэлэри көрдөрүөҕэ, «Пушкинскай картанан», онлайн атыынан касса үлэлиэҕэ.
